瓷磚鋪得唔好，會空鼓、爆裂、翹起、崩角，
最慘係，日後修補要拆磚拆地，費時失事又嘥錢。
裝修家定下嚴格鋪磚標準，每塊磚都經得起考驗！

🧱 1. 牆身鋪磚｜唔鬆唔翹，實淨到底

• 牆身泥水批盪需 平整無凹凸
• 每塊磚必須用足夠英泥黏貼
• 鋪磚時使用敲槌或壓板敲實，確保滿漿無空心
• 用膠條 / 十字架控制瓦罅寬度及磚路對齊，並用壓尺修平
• 磚縫寬度不多於2mm，掃口後用海綿即時清潔磚面
• 每件磚空鼓面積不得超過20%（如後方有喉管可酌情處理）
• 相鄰瓷磚高低誤差不得超過1mm
• 切割角位距離1.5米觀察時不得見明顯崩缺
• 所有牆磚須使用奧迪美膠沙或同級瓷磚膠黏貼

🧩 2. 地台鋪磚｜斜水正唔正，一鋪定生死

• 可選擇半乾濕沙地台或硬底地台鋪設方式
• 鋪設前需淋濕地台，並清走石屎面泥塵及垃圾
• 每鋪一磚必須用敲槌或揼板實拍，防止空鼓
• 使用十字架或膠條統一磚罅及瓦路方向
• 鋪至約每兩至三行磚需適量淋水保持濕潤
• 斜水設計會根據磚尺寸、位置做相應安排，如有特別要求請事先提出
• 批盪用料需混合袋鼠牌英泥接合劑 + 英泥 + 沙

🧷 3. 腳線處理｜留位先至靚，唔做多餘線條

• 有傢俬靠牆位置不裝腳線，避免日後遮擋或撞位
• 腳線與門框及封口線處需妥善處理，避免錯層或間隙

📸 紀錄與驗收

完成後，師傅需拍照記錄鋪貼情況，客戶可實地驗收觀察
斜水方向、磚罅直線度、空鼓檢查都會逐項進行。

✅ 一鋪到底，平整係基本，耐用先至關鍵

裝修家貼每一塊磚都唔馬虎，貼得實、砌得平、罅得靚，
唔單止為咗睇得好，仲係為你住得安心、用得長久。