油漆施工睇似簡單，其實最考功夫。
牆身表面平滑，色水均勻，背後要靠師傅每層灰、每筆掃都唔馬虎。
裝修家堅持從剷灰打底到最後一筆乳膠漆，全部嚴格執行標準！

⚠️ 施工前期注意事項｜底灰唔清，做極都唔靚

1. 牆身舊乳膠漆必須完全剷除，避免新漆黐唔實
2. 如有鬆浮底灰，一樣要剷乾淨
3. 批灰前必須先髹上防潮光油或司拿，加強灰層附著力與堅固性
4. 是次批灰不包括剷至紙巾灰底或泥水批盪層

🔨 施工中期注意事項｜灰唔平，油唔靚

1. 批灰要均勻平滑，唔可以一撻撻
2. 分三次進行批灰工序，每層均需打磨（過沙紙），厚度約 3-5mm
3. 舊牆出現凹陷需補平修順
4. 如有裂縫或罅隙，須貼上網紋膠帶 / 紙帶補強
5. 批灰厚度需完全覆蓋膠帶紋理，避免日後透紋
6. 如牆面需貼牆紙，必須使用專用膠漿，貼後不能有氣泡、翹邊、破損、皺摺或膠水痕
7. 上油前先做好地面保護，避免油漆滴污其他裝修物料
8. 上油時，需確保灰底已磨平，油漆流暢不卡砂粒
9. 上完油後，站1.5米位置觀察：牆面不應見到明顯淚痕、掃痕或漬印
10. 如有貼牆紙，需平均鋪貼，紋理對接準確、無錯位
11. 所有櫃背及冷氣機背位需髹一層白色乳膠面漆

🧽 牆靚，成間屋先有質感

一面靚牆唔只靠顏色，背後係師傅三次批灰 + 三次打磨 + 每層執手工，
裝修家嘅油漆標準唔單止為你打造靚牆面，更係為咗用得耐、睇得舒服。

如果你對唔同顏色、物料配搭有疑問，我哋亦提供色卡建議 + 牆紙設計配搭服務，幫你打造最啱你風格嘅牆身。