珀麗灣22座E室的設計風格融合了日式、北歐同工業主義三種元素。整個單位主打深淺灰色調，營造出簡約而型格嘅居住空間。客廳方面，設計師以較深色嘅木紋傢俬同淺灰色牆身配搭，形成溫暖同柔和嘅氛圍，同時又保留咗北歐風嘅簡潔俐落，黑色金屬層架亦帶出工業風嘅獨特個性。

主臥室同書房則選用深灰色牆身，帶出沉穩又型格嘅感覺。主臥室內嘅床架使用咗淺木紋色調，與衣櫃嘅深灰色調形成強烈嘅對比，而衣櫃大面積採用透明玻璃展示內部嘅擺設，時尚而具現代感。書房方面，自購嘅淺木紋色升降書枱配搭皮凳，配合淺灰色書櫃，將日式嘅自然舒適同工業風嘅冷靜型格完美融合。